ПОВЕСТЬ О ЖИТИИ ВАРЛААМА КЕРЕТСКОГО

 

 

 

ПОВЪСТЬ О ПРЕПОДОБНЪМЪ ВАРЛААМЪ КЪРЕЦКОМ. ВКРАТЦЪ ИЗЛОЖЕНО

 

 

    Преподобный отецъ Варлаамъ в лЪта бЪ царя и великаго князя Иоанна Васильевича всея России самодержца. Рождение и воспитание имЪ в КЪрецкой волости, на море окиянЪ. Научен же бысть книгам и божиимъ судомъ поставленъ бысть презвитером в Колскомъ градЪ в церкви Николы чюдотворца, и тамо пребываше добрЪ подвизаяся на невидимаго врага козни, и люди закону божию яко истинный пастырь поучаше, и бысть ходатай богу и человеком.

    ВидЪвъ убо его диаволъ всяческими добродЪтелми украшена, свою же окаянную и немощную силу, яко паучину раздираему от него, простре сЪть во уловление праведнаго, яко же древле на Адама, вложив бо его во убийство супружницы его. Онъ же по сотворении грЪха разумЪвъ, яко завидЪвъ ему врагъ, плакався велми и недостойна себе судивъ еже священная действовати, но паче изволилъ страдати за грЪхъ,— еже с мертвым тЪломъ по морской пучинЪ с мЪста на мЪсто плавати, дондеже оно мертвое тЪло тлЪнию предастся. И 6Ъ видЪти праведнаго труды единаго по морю в карбасЪ ездяща с мертвым телом от Колы около Святаго Носа даже и до Керети. И не яко же протчии человецы ожидаху паруснаго плавания, но он плаваше против зЪлнаго обуревания и весла из рукъ своих не выпущаше, но труждашеся велми и псалмы Давидовы пояше, то бо ему пища бяше. И во дни убо труждаяся по морю, в нощи же без сна пребываше, моля бога со слезами о отпущении грЪха. И понеже доволно время потрудився, хотя извЪщение прияти. Доиде прежереченнаго мЪста — Святаго Носа. Ту бЪ, глаголютъ, прежде того непроходну мЪсту тому быти ради множествъ червей морских, иже творяху многи пакости над лодиями мореходцемъ. Еще бо и онъ без вреда пребываше от них, но восхотЪ и протчимъ человеком путь без вреда сотворити. Ставъ на молитву и руцЪ воздЪвъ на небо, услышанъ бысть. И абие черви без вЪсти сотворишася, и путь мореходцемъ около Святаго Носа сотворил чист даже и до нынЪ.

    И понеже преподобный извЪщение приемъ от бога, вскорЪ оставляетъ миръ и бывает инокъ, и в пустыню вселився и, божиею помощию бЪсовския полки побЪдивъ, с миром ко господу отиде в Чюпской губЪ. ОттолЪ же пренесено бысть святое тЪло его в Кереть и погребено близъ церкви святаго великомученика Георгия с восточной странЪ за олтаремъ.

    По нЪкоем же времени восхотЪ богъ явити труды своего угодника преподобнаго Варлаама. НЪкоему убо купцу именемъ Евфимию, каргополцу, пловущу по морю в лодии и от зЪлнаго обуревания потопающи лодия его, и всЪмъ ненадежно плачющимъ погибели своея. Тогда представъ имъ святый и от потопления избавилъ, и себе повЪдалъ, кто бЪ явивыйся. Евфимий же и сущии с нимъ, видЪвше преславную помощь от преподобнаго ко всЪмъ, и приеха в Кереть, и повЪда всЪмъ, яко молитвами преподобнаго Варлаама Керецкаго избавил богъ от потопления морскаго, и повелЪ от имЪния своего поставити сЪнь над гробомъ святаго и свЪщу пред святителевымъ образомъ вжигати. И отиде в путь свой радуяся, благодаря бога и угодника его, преподобнаго отца нашего Варлаама Керецкаго.

 

П о в Ъ д а н и е  о т  ч ю д е с ъ  п р е п о д о б н а г о В а р л а а м а  К Ъ р е ц к а г о  ч ю д о т в о р ц а

 

    В лЪта 7172 (1664) году, июня въ 1 день повЪда намъ нЪкий мужъ именемъ Петръ Васильевъ, порекломъ Буторин.

    Юну ми сущу, в первое на десят лЪто возраста моего, упражняющежеся со отцемъ в рыбных ловитвахъ в Соностровах. ВидЪние таковое во снЪ видЪ, яко пловущу намъ со отцемъ моимъ в карбасЪ, противъ Шарапова наволока, напрасно возъярися море волнами, и наполнися судно наше воды, и азъ быхъ яко во иступлении. И паки видех ину волну, идущу и хотящу покрыти судно наше. И озрЪхся и видЪхъ в судни нашемъ старца сЪда брадою, защищающе насъ от волны тоя. И абие внезапу обрЪтеся судно наше во отишии за коргою. И егда избави насъ от потопления, и рече намъ: «Потонути было бы вамъ, аще не бы азъ, Варлаамъ ис Керети», и повелЪ ми повЪдати людемъ. Аз же возбнувъ и начатъ повЪдати отцу моему бывьшеЪ видЪние. Он же, яко младенцу мнЪ, и не внимаше себЪ во умъ.

    Наутрие же узрЪхом лодию в море идущу, и егда близъ насъ бывшей. инъ сусЪдъ прииде к нам з другие тони и повЪда: «Наша де, керецкая, прошла лодья, но азъ не смЪяше ехати к ней, понеже зыби на море много».

    Отецъ же мой внезапу начат глаголати: «Поедемъ мы в волость хлЪба ради». И поехаша, и вЪтру сущу велику. И егда бывшим намъ у Шарапова наволока, напрасно пришед волна и наполни карбасъ нашъ воды. Нам же в недоумЪнии велицемъ бывшим и ужасшися. И паки видЪхомъ вторую волну, лютЪе той ярящуся и покрыти насъ хотящу. Нам же до конца отчаявшимся живота своего. И абие внезапу судно наше, никим же направляемо, обрЪтеся за коргою у брега. Мы же возрадовахомся велми и выливше воду из карбаса и доидохом в волость. По пяти же днех яви ми ся паки той же старецъ во снЪ в трапезЪ, поношая мя мнЪ и ужасая, и хотяше мя бита дубцы и глаголаше: «Что ты мною бывшеЪ вамъ не повЪда всЪмъ человеком дЪяния моего?» И повелЪ повЪдати людемъ.

 

И н о   ч ю д о.

 

    Той же мужъ повЪда намъ. Бысть нЪкто от велможъ царевых правя в Колскомъ острогЪ воеводскую власть при благовЪрномъ царЪ МихаилЪ Феодоровиче всея России после Литовския войны. Ему же имя Гурий Иванов, сынъ Волынцовъ. Бысть же ему черная болЪзнь. И недоумЪющуся, како бы ему болЪзни тоя избыти. И явися ему святый Варлаамъ в той болЪзни, во образе иноческом, глаголя: «Не скорби, человече, избавит тя богъ от тоя болЪзни». Той же мужъ начатъ глаголати ему: «Кто еси ты, господине мой, и откуду?» Он же отвЪща ему: «Азъ есмь Варлаамъ ис Керети». Той же велможа возбнувъ от болЪзни своея, яко от сна, и начат повЪдати еже видЪ и вопрошати, кто есть той Варлаамъ. И повЪдаша ему во градЪ живущии: «Той в древняя лЪта таков мужъ священствовав в Колском острогЪ и послЪ жилъ в КЪрети иноком, тамо и преставися». Той же велможа посла на взыскание, кто есть тоя веси живущий в том градЪ. И обрЪте пришелца, керецские волости жилца Василия именемъ, пореклом Мухина, и вопрошая его о святЪмъ Варлаамъ, како и гдЪ положено честное тЪло его. Он же Василий повЪда ему подробну вся, яже о святЪмъ, и яко в небрежении ему на мЪстЪ, на нем же положен, тамо и почиваетъ. Той же предреченный велможа Гурий начат с тЪмъ Василиемъ совЪщати, дабы сотворити сЪнь над гробомъ святаго Варлаама и крестъ поставити. И дастъ ему сребро на устроение. Василий же той вземъ сребро и прииде в Кереть, и по повелънию онаго воеводы содЪла гробницу над гробомъ святаго. Велможа же той избавленъ бысть от духа нечистаго молитвами преподобнаго Варлаама. 

 

И н о  ч ю д о  п р е п о д о б н а г о  б ы в ш а г о

 

    НЪцыи мужии, купцы града Каргополя, имя единому Иаковъ, порекломъ Посновъ, другому же имя Евфимий Болнищевъ, повЪдаша, сице рече. Идущим намъ на лодии весною от Онежскаго устья в куплю. И егда пробЪжавшимъ Соловецкой островъ и бывшим на болшемъ море, и наехаша ледове много, и обыдоша лодью нашу оттовсюду лду, яко ни протиснутися могущим намъ сквозе ниха. И ледовомъ идущим на лодью и погубити насъ хотящимъ, и много нам трудившимся и ничто же намъ успЪвшим, всЪмъ живота своего отчаявшимся. Преждереченному же оному мужу Евфимию стоящу в кормЪ и опершуся о палубы, от великия печали воздремавшу. Абие явися ему на лодии старецъ, вопрошая бо: «Далече ли путь вашъ, братие?» Он же глагола: «Идемъ в Поморие торговати, и нынЪ ледомъ насъ затерло и вси погибнути хощемъ». Старцу же рекшу: «Не скорби, брате, но поедите вы в Кереть и богъ дастъ вамъ пусть чисть». Сам же иде на носъ и начат лды роспихивати.

    Евфимию же возбнувшуся и не видЪ никого же, токмо дружину свою сущую с ними на лодьи. И нача имъ повЪдати, еже видЪ во снЪ. И внезапу бысть яко дорога сквозь льда. Они же возрадовашася. И начаша присно ятися пути, и абие повЪявшу вътру поносному и выехаша на море ничем же вредими. И приидоша в Кереть и повЪдаша имъ в слухъ живущим ту явление святаго Варлаама, како их богъ избавил от тоя погибели молитвами его. И того ради чудесе мужъ той Евфимий содЪла над гробомъ преподобнаго часовню, оттолЪ въру держа ко святому велию.

 

Ч ю д о  и н о  п р е п о д о б н а г о

 

     Той же мужъ повЪда намъ. Двиненину нЪкоему, именемъ Никифору, со своими клевреты идущу с мурманского рыбнаго промыслу. И егда бывшу ему против Святаго Носа, начат труждати ихъ вЪтренная буря, и древо сломило парусное у них, и парусъ унесло в море, волны же вливахуся на лодью. И снесло у них с лодье все волнами, и отнесло их на лодье в морскую пучину, и уже имъ всЪмъ отчаявшимся живота своего, и занесло ихъ в плавании их в пучину морскую.

    И многим днемъ минувшим, явися тому Никифору во снЪ преподобный отец Варлаамъ и начатъ ему глаголати: «Что вы впадосте во отчаяние и не промышляете о себЪ? Парусъ вашъ под лодьею, а древо и с ногами тут же под лодьею, и вы того древа не ставьте. Промышляйте, не плошитеся,— богъ васъ вынесетъ!»

    Никифору же тому в недоумЪнии бывшу о видЪнии, начатъ повЪдати дружинЪ, глаголаху: «ГдЪ, братие, парусъ?» — «Мы не видЪхомъ». И начаша напрасно сЪмо и овамо искати, и абие обрЪтоша парусъ подъ лодьею и едва извлекоша на лодью, тамо же весла и стир. Они же, много трудившеся, изнемогоша и сонъ объятъ их. Паки явися имъ той же мужъ, глаголя: «Промышляйте, призывайте еще бога на помощь, и вынесетъ господь бог». Никифору же оному вопрошающу его: «Кто ты, господине мой, сице в промышлении нашемъ твориши и о насъ печешися?» Той же отвЪща: «Азъ есмь из Керети Варлаамъ». Никифору же оному не вЪдящу его, и начат вопрошати у дружинЪ своей. Онемъ такожде не вЪдущимъ имъ всЪмъ его.

    Начаша обычная на лодье уготовляти и промышляти о путнемъ шествии своемъ. И видЪша яко дорогу расплывающуся пред ними лед той. И абие вЪтру возвЪявшу поносному имъ, в третий день достигоша до Двинскаго устия.

     Во второе лЪто по явлении том прииде мужъ той Никифоръ в КЪреть, вопрошая: «Кто есть и гдЪ таков мужъ, нарицаемый Варлаамъ?»,— чая бо еще жива его суща. Живущий ту повЪдаша ему, яко «той святый во успении явися, избавилъ тя богъ молитвами его от потопления». И показаша ему гробъ святаго. Той же Никифор принесе свЪщи многи и положиша на гробъ его, моля преподобнаго о избавлении своемъ.

 

 


    Автор проекта и составитель - Александр Петров (Россия)

 Студия "Мастерская маршала Линь Бяо"

 Copyright (С) 2000-2002 by Alexander Petrov (Russia). All right reserved.       Webmaster: petrov-gallery@yandex.ru