ПОВЕСТЬ О ЦАРЕ АГГЕЕ

 

 

ПОВЕСТЬ ЗЕЛО ПОЛЕЗНА

 

 

    Бысть во градЪ Филумени царь именем АггЪй, зело славный и богатый. Прилучися же ему стояти в церкви во время божественныя литоргии и егда священнику чтуще святое Еванъгилие. Егда же дойде до строки, в ней же написано: «Богатии обнищают, а нищий обогатЪют», царь же слыша слово сие, ярости и гнева наполнися и рече: «Что есть написано слово сие ложно, како богатии обнищаютъ, а нищий обогатЪют? Но како мнЪ обнищати, а нищу обогатитися?» — И егда священник отслужи божественною литоргию, тогда царь повелЪ его всадити в темницу, а из Евангилия тот листъ повелЪ вон выдрати, глаголя: «Сие есть слово в ложь написано». Сам же царь пойде в дом свой и начат со ближними своими ясти, и пити, и веселитися.

    Тогда же нЪкий ближний ево отрок бысть в поле и увиде: близ града Филуменя ходяще елень по полю. И пришед, возвестиша царю. Царь же скоро взя с собою пятьдесят отроков избранных и поЪха в поле. И увидя елень прекрасну зело, и нача гнати за нимъ по полю. Еленю же бежащу, и прибеже к нЪкоей рекЪ, и поплы чрез реку. Царь же, сам един только, сверже одежду свою с себЪ и покиня коня на брегу, и поплы за еленем. И егда преплы реку, тогда не видя еленя. Потом же царь вспять преплы реку.

    Прежде бо преплытия его прииде ко отроком его ангелъ божий во образе царя АгЪя и рече отроком, яко елень утече. И взя одежду, облечеся и всЪдъ на коня. И Ъха во град Филумен со отроки яко АгЪй царь, и приЪха во град. И нача царство правити по обычею, никто бо его не позна, ни царица, ни вельможи и сильнии его, но всЪ почитаху, яко АгЪй царь есть.

    Царю же АгЪю пришедшу на брегъ, и начат смотрити отроковъ своих и платья, и коня своего, и не обрете ничего. И ста на мног час, розмышляя в себЪ: «Что ми прилучися? Или отроки мои в поле отъЪхали, или конь мой у них убежал?» И смотря сюду и сюду, и никого не видя, и помышляя в себЪ: «Что ми приключися? Или сонное видение видит?» И начат кликати гласомъ громко, дабы отроки ево к нему пришли и платья и коня ему дали, и никого не видя. Потом же пойде по полю, помалу сту­пая, озираясь семо и овамо, и не видя никого же. И убояся зело, яко мЪсто есть пусто, и иде ко граду со стыдением.

    И увиде в поле человека, посуще волы, и стыдяся к нему прийти, и начат кликати: «Постуше, скажи ми, гдЪ ты видел отроков моих и коня моего?» Постух же виде его нага и впроси его: «Кто еси ты и какие отроки твои и конь?» Царь же рече: «Али ты меня не знаешь? Аз есмь царь АгЪй». Постух же его не позна, понеже отъя богъ зракъ лица его, и нача бранити его и укаряти: «Злый безумный человече, пьяница ли ты или вор, да так себя таковым великим именем называешь?» И начат его бити кнутом без милости. Он же от него насилу убежа. И ходя по полю наг, розмышляя, что себЪ сотворить, и гдЪ возмет одежду, и како во град внидет.

    И умысли: «Иду в деревню и не скажусь, что царь, да тамо меня не познают. И наймуся работать, и возьму себЪ хотя какую-нибудь одежду. И вниду во град, и увЪдаю, что ми сие случися».

    И иде в деревню и нанялся у крестьянина на все лЪто, а сказался, что шел путем и ево злые люди ограбили и убили, мало жива покинули. И пожил у крестьянина мало. Крестьянин же, его видя, что работать ничего не умЪет, сослалъ ево з двора, только дал ему малую одежду, худое рубище.

    Царь же АгЪй иде во град Филумен и прииде к некоей вдовице, и воспросися к ней ночевать яко нищей. Она же видя его в худом рубище, пусти его к себЪ в хижу. Он же воспроси вдовицы: «Хто у васъ ныне царь царствует?» Она же повЪда, яко АгЪй царь, уже тритцать пятое лЪто. Тогда АгЪй моли вдовицу, да принесет ему чернил и хартию. Оной же принесшу ему, царь же АгЪй написа своею рукою к царице своей слова тайные свои с нею, яко никто меж ими ин тЪ слова вЪдает.

    И вдаде то письмо нЪкоторой женЪ, моляша ю, да донесет писание то до царицы. Она же взя письмо и вдаде царице, глаголя: «Стоит, государыни, человекъ и молит мя зело, да се письмо донесу тебЪ и дам в руце». Царица же письмо приим и протчте. И усумнися вельми, и смятеся умом, в себЪ глаголя: «Что ми сие прииде? Хто сей человекъ, бЪс ли или какой злый человекъ, волхвъ, что наши и тайные слова вЪдает?» И потом не повЪда ангелу ничто о том, и повелЪ его представити себЪ. Он же пред нею предста. И вопроси его царица: «Хто еси ты и откуду приде, и почему знаешь тайну нашу со царем?» Он же рече: «Али ты меня не знаешь, что я царь АгЪй?» Царица же ничим не позна его нимало. И наполнися ярости и гнЪва, и рече: «О враже проклятый, злый человече, от диявола научен еси сему злому дЪлу!» — И повелЪ ево связати и бити немилостивно. И бияше его, глаголя ему: «К чему, злый человече, так именем великого царя зовешися?» И биша его, и кинуша за град в поле мертва.

    Он же мало отдохнув и пришед в себЪ мало, и начат плакати горько, воспоминая бывшая своя вся добрая, глаголя: «Ох ми, увы, горе! Уже всего доброго своего лишихся, и царица мене не позна, и ближние мои мене не познаша! — И рече: — Куды уже пойду, или что себЪ гдЪ доброе обрящу?»

    И потом иде в поле, и увидя нищие на пути, и начаша их молити, глаголя: «Братия моя, пожалуйте, приимите меня к себЪ в работу». Они же рекуще ему: «Шол бы ты да работал в деревне у мужика». Царь же имъ отвеща: «Работать я, господие мои, не умЪю, а милостыни просить один стыжуся». Нищие же взяша его с собою и дав ему суму свою болшую носити за собою. Он же нося за ними суму их и работаша им. И пришед на нослЪгъ, повелЪша ему баню про себя изтопити и воду принести, и постелю под себя слати. Он же все им угодное сотвори и потом нача зело плакати, рыдая. И воспомяну грЪх свой, яко согреши пред богом и похули слово господне, и воспокаяся о том. И плака много, глаголя: «Ох ми, увы, все я то пострада за слово божие».

    Во утри же день пойдоша нищие во град, а он с ними же. И прииде ко цареву двору, и нача просити милостыню. Ангел же в то время седя на престоле со царицею. Милосердни же богъ, видя его истинное покояние и слезы, и прости грех ему, и превратися зрак лица его по-прежнему. И увидя вельможи царевы царя АгЪя с нищими и смятошеся, между собою глаголя: «Яко царь сей есть АгЪй!» — Потом возвестиша ангелу о сем, глаголя: «Яко прииде с нищими подобен тебЪ, царю, лицем и зраком, и речию, и возрастом». Ангелъ же посмеявся их речам и повелЪ царя АгЪя представити себъ. Он же предста. И вопроси ангелъ царицу и боляр: «Кто вам истинно мнитца царь истинный?» Они же ничто отвеща ему. Ангелъ же вдаде царю АгЪю скипетръ царства его и наказа его, да к тому не ставит во лжу словес божих, и ко всЪм милостив и не гордъ будет. Потом же наказа царицу и боляр, да будутъ в повиновении все господину своему. Потом же ангелъ невидим бысть.

    Царь же АгЪй по наказании бысть ко всЪмъ милостивъ и во всЪм благоугоден до конца живота своего. И поживе много лЪто, и скончася с миром.

 

 


    Автор проекта и составитель - Александр Петров (Россия)

 Студия "Мастерская маршала Линь Бяо"

 Copyright (С) 2000-2002 by Alexander Petrov (Russia). All right reserved.       Webmaster: petrov-gallery@yandex.ru

 


На kodvpalto.ru промокод белый ветер. . На http://www.it-dom.su клееный деревянный брус. . мобильный шиномонтаж в москве.